Os atletas de Kenia dominaron a edición número 44 da Clásica de Negreira, que contou con máis de 1.450 atletas. Na carreira masculina venceu George Kiplagat Kiptum, cun tempo de 29 minutos e 26 segundos. Na competición feminina, a triunfadora foi o seu compatriota Noshim Mandoi Kimuge, que detivo o crono en 33.55.

Ambos deportistas impuxéronse de principio a fin na proba, alcanzando a liña de meta con unha gran diferenza sobre os segundos clasificados. Na carreira masculina, a segunda posición foi para o galego Iván Puentes, do Atletismo Narón, con 30.28. A segunda clasificada en mulleres foi Tina Fernández, do SD Compostela, cunha marca de 38 minutos e 10 segundos. En terceiro lugar quedaron Pedro Liste, do Narón (31.45), e Andrea Iglesias, de Athletics Fisioterapia San (38.41).

No 5K masculino o gañador foi Adrián Sesar, do Atletismo Santiago (15.45), por diante do seu compañeiro de equipo Brais García (16.03) e de Jon Escala (16.24). O 5K feminino foi para Rosana Fernández, do SD Compostela Atletismo (19.26), clasificándose en segundo e terceiro lugar, respectivamente, Candela Dopazo, Tríatlon Compostela (20.35), e Lola Villar, do Noitebra (20.48).

Victoria moi cómoda

A vitoria dos dous atletas africanos foi cómoda, moi sinxela. Desde o primeiro instante escapáronse e xa non permitiron sorpresas. Talvez fose a edición na que máis brillante foi o triunfo. Inicialmente ambos partían como claros favoritos. O venres xa pernoctaron en Negreira, coa idea de coñecer ben o trazado e adaptarse.

O circuíto, ademais, víñalles moi ben a ambos os atletas, pois tiña unha menor porcentaxe de desnivel que o anterior percorrido. Non choveu e a temperatura foi ideal.

Nesta edición cabe destacar a quinta posición do negreirés Jorge Crespo, un veterano atleta que alcanzou a súa mellor posición na Clásica. Na sexta posición clasificouse Alberto Mariño, exfutbolista da SD Compostela e da SD Negreira.

Semana histórica

Moito público presenciou a carreira a longo de todo o percorrido, sobre todo cando pasaba polo centro da localidade. A liña de meta estaba a lume de biqueira. O trazado, moito máis rápido que o anterior, foi ben recibido polos atletas. Tamén houbo un gran ambiente nas carreiras escolares.

A entrega de trofeos foi no pavillón do colexio, en unha semana histórica para Negreira, despois do partido de a Copa do Rei contra a Real Sociedad, unha cita que reuniu a 3.000 afeccionados nun García Calvo pletórico.

En canto á participación, uns 400 atletas tomaron parte no 5K e ao redor de 450 fixérono no 10K, que contou con cen deportistas máis que na pasada edición, a pesar de que en Galicia celebráronse varias carreiras populares o mesmo día. Na entrega de premios estivo presente a Directora Territorial da Consellería de Presidencia, Xustiza e Deportes da Xunta de Galicia M.ª Mar Ferreiro Broz, a Deputada Provincial Mar García Vidal, o alcalde de Negreira, Manuel Ángel Leis,  o presidente da Federación Galega de Atletismo, Iván Sanmartín e os edis do Concello de Negreira.

Destacado o gran traballo de protección civil, voluntarios que se desprazaron de varios concellos, e os representantes dos clubs locais que realizaron unha extraordinaria faena antes, durante e despois da carreira.

La entrada George Kiplagat e Noshim Mandoi adxudícase “A Clásica” nunha semana histórica para Negreira se publicó primero en Clásica de Negreira.

O mellor espectáculo das carreiras en ruta de Galicia viviuse este primeiro domingo de novembro na 43ª edición da Carreira Internacional de Negreira, A Clásica, que rexistrou outra vez un incremento de participantes, superando os 1.500 corredores. Antes da saída, gardouse un minuto de silencio en recordo das víctimas da dana, en Valencia. O vencedor absoluto da proba raíña dos 10.000 metros foi o eritreo Workneh Fikre Serbessa, do Atletismo Narón, que empregou 29 minutos e 6 segundos nun espectacular man a man co keniata Amón Kiptoo, do Calatayud, que entrou a un segundo. Terceiro foi o keniata, David Kiplagat, do Calatayud, a 38 segundos. A cuarta praza foi para Peter Wanjiru, do Albacete (29.48). Quinto foi o uruguaio Nicolás Cuesta, do Bikila, con 30.42.

O primeiro galego foi Jorge Puig, auténtico dominador en ruta da comunidade, que foi sexto (30.47), seguido dos atletas africanos Hicham Ettalbi e Abdelaziz Merzougui, sétimo e oitavo, respectivamente.O segundo galego foi Marcos Oro (Arenteiro), noveno, mentres que a terceira praza foi para Amadeo Abal, décimo na xeral. O negreirés Jorge Crespo terminou no posto trece. Foi homenaxeado na saída do 5K polo seu recente éxito como quinto mellor no Mundial de Maratón Máster, en Rumanía, e subcampión M40.

Categoría feminina

En mulleres, a gañadora foi a arxentina, Fedra Luna, no posto 19, seguida da galega, Sandra Mosquera (Comesaña Club), no posto setenta. A terceira posición foi para Nati García (Oleiros). Cuarta foi Sofía Freaza. Por equipos, o triunfo foi para o Arenteiro, seguido do Sar e do Compostela. En locales, tras Jorge Crespo entrou outro mítico como Luis Calvo. Terceiro foi Andrés Domínguez. En féminas gañou Corinne Alsina, seguida de María José Suárez e Patricia Quintáns.

En canto á carreira 5K, o gañador foi Adrián Sesar, do Millaraio, con 16.52. Segundo, a máis de medio minuto, Damián Álvarez (Terra de Soneira). Terceiro foi o negreirés Rubén Martínez (Atletismo Negreira), con 17.10. En féminas, o dominio foi das irmans Debrís e Demeku Paniagua (O Pino).

A de Negreira convírtese na carreira de Galicia con máis escolares. As catro probas superaron os 800 participantes.

La entrada O eritreo Workneh Serbessa gaña A Clásica de Negreira se publicó primero en Clásica de Negreira.

No acto de presentación, que tivo lugar o venres 25 de outubro, Iván Sanmartín, presidente da Federación Galega, destacou o gran nivel da proba: «É das poucas na que poderemos ver a corredores profesionais con marcas por debaixo dos trinta minutos, o que fala as claras da súa gran tradición e o atractivo que supón os seus premios».

Tamén o alcalde, Manuel Ángel Leis, suliñou o esforzo organizativo que realiza o Concello para manter o evento entre os máis importantes de Galicia, «aunando a presenza de deportistas populares con aqueles profesionais que alcanzan os mellores tempos», ao tempo que avanzou que no 2025 haberá un novo circuito homologado. A Carreira Internacional de Negreira terá uns seis mil euros en premios para a proba principal.

A presentación serviu tamén para homenaxear a dez deportistas do Club Atletismo Negreira, entre eles a campiona galega absoluta e sub 23 de triple salto, Alba Cuns, e o seu irmán, Gonzalo, subcampión absoluto e campión sub 18 en triplo salto, ou Samuel Lema, subcampión absoluto e sub 23 de lanzamento de peso.

La entrada A Clásica de Negreira presenta a súa 43ª edición. se publicó primero en Clásica de Negreira.